الأربعاء، 10 أغسطس، 2011

الشمس تشرق من الغرب



من بعد الاف السنين ... حدثت يا موسى المعجزة
الشرق غربت منه شمس و الغرب اشرق بالشموس
باتت بلاد الشرق دوما ع الذكريات متعكزة
بعد اما كانت يوم منارة.. محصلتش اليوم فانوس
بددنا بادينا الحضارة.. حتى التاريخ محفظنهوش
استوردوا كل التاريخ و صدرولنا بيه كازوز
اخدوا اللي ربوا بيه عقولهم و سابونا بنربي ف كروش
و لفلفونا في طاحونة.. قرش زايد او غموس
في ارضي..زرعوا حلمهم و ربطونا في السواقي
اكلوا الزبد كله و اكلنا.. اللي فاضل م البواقي
نحصد الحلم الغريب..اما الغريب.. بيجري في عجل التروس
يا شمس امتى ترجعي
م الشرق تاني تشرقي؟
سؤال اجابته صمت متغلف بحيرة
طول ما مهم ان احنا نسأل مين مسلمين و مين نصارى
طول ما ف نافوخنا ان الكتاب قيمتة اقل من السيجارة
و ان اللي بيعيشوا في شارع..
انبغ و انضف م اللي بيعيشوا في حارة
و الرشوة ولا المفهومية و الفهلوة هي الشطارة
طول ما الشباب عيال و بس.. اما الخبير هو العجوز..نفضل في ضل شمسهم
ولا مرة.. رح تتساوى روس
لكن ايماني بان بكرة جي حي
حي و هيحيي المعجزة
غدا ساصحو بعد حين م الضلام على صبح بشوش
سأرى بعيني شمس شرقي اشرقت..و تبث روح في النفوس
و ارى بعيني شرقي يحيي مجده
و اراه ثغرا باسما
من بعد سنوات العبوس ...

هناك 4 تعليقات:

  1. bgddddddddd....this is the best one...like like like like like like like like like like like like like like like like like.......

    ردحذف
  2. Omar thank you very much for your comments bgd it helps me to be better..that's why your comments are very important to me..thx bro :))

    ردحذف
  3. دى الtopبتاعت الديوان إن شاء الله ;) ...
    Go On ya So2so2a :)))

    ردحذف
  4. Aiwa ya marooooomaa..enti sa7 :))) thx HUN

    ردحذف