الأربعاء، 10 أغسطس 2011

الشبح


عرفت معنى الحب في الزمن القديم
في قصيدة لنزار و في غنوة لحليم
ياما انوصف بالهوى ..بالبحر ..و بجمال الورود.
و استنى يوم ورا يوم لحد ما يجيني الحبيب
و احلمبي اغنيله أغانى الست و العندليب.
و لما جه ..وجب علية الاعتذار.
وقف الكلام في جوفي صابنى الوجوم
لا عرفت أقوله بحبك ..ولا عديت النجوم.
جيت أوصفه بالهوى ملقيتش غير الغبار.
سبت الهوى ..ونزلت أدور ع الشجر جوة الطريق.
زي اللي نفسه ف قشة تنقذ الحلم الغريق.
لا لقيت شجر ولا خضار..ملقيتش غير العماير بتسد نور النهار.
و البحر..البحر كان أزرق لقيته لون الطين.
و الشط ..قالوا عليه رايق..لقيت عليه ملايين.
كأنه يوم الحشر.
ما هو كل شىء انكتب طلع مجرد حكاوي
لا لقيت سما لونها سماوي..ولا طيور و بلابل تنشد في الغناوي.
وبري اتنحل و أنا بدور لحبي على دليل
لا لقيت ورد ولا شجر و لا حتى سعفة نخيل
كل اللي شفته كان شوارع مرصوفة جوة أكوام الزبالة
و ناس لروحها الشر غيّة و الخير..اشتغالة.
شفت البطون ملهوفة على لقمة حرام..
و ساعتها بس عرفت ليه صوتي اتخرس و ليه نسيت الكلام.
مفيش في زمني يا حبيبي للحب وصف.
لا هقدر أكتب يوم قصيدة حب و لا هقدر أكتب حتى حرف.
في عنيه دموعي رغرغت ع  الحب اللي مات و اندبح.
مفضلش منه غير شبح .. 
اّخرة يعيش في ليلة م الزمن القديم ..في قصيدة لنزار او غنوة لحليم

هناك 11 تعليقًا:

  1. OMG Sarah.... it's touching... that's what i really felt when i fell in love... i felt like i'm living it alone... not like what i read in the books... I simply hit the ground =)

    ردحذف
  2. tthx noOoODLES..very happy you liked it hun :):))

    ردحذف
  3. 7elwa awiiiii ya sara ma3bra gdn 3n elwak3 2alyy 27na feeeh dalwa2tyy bgd gamdaaaaaa

    ردحذف
  4. بداية طيبة وإلى لإمام دائما ، واناحاسس إن الكلام عميق جدا ينم عن إحساس عالي وإنت بتعيشي الحالة لأن واضح إن إنت بتعبري عن حالة إنت عايشها كشاعرة مش بس تعبير عن موقف عابر أو حدث كبير .

    ردحذف
  5. Hanan..bgd thank you very much...ana mabsoota enk 7assa nafs el e7sas elli ana 7asah towards the community w yarab n2dar n3'ayar feeh w yb2a a7sn ISA :))

    ردحذف
  6. أستاذي رفعت..لك جزيل الشكر على هذا التشجيع و دائما سأكون في انتظار أرائك و نصائحك لأنها ستجعلني أفضل ..جزاك الله كل خير :))))

    ردحذف
  7. واقعية أوىىىىىىىىىى يا سؤسؤ ... بجد حلوة بالذات " الخير ... اشتغالة" :))))

    ردحذف
  8. thank you very much ..bgd happy u liked it :))))

    ردحذف
  9. يالهوي :)))))
    جامدة جدا جدا جدا :)

    هشير بقى بعد إذنك :)

    ردحذف
  10. أحييكى بشدة
    بداية طيبة و موفقة إن شاء الله :)
    فى انتظار جديدك :)

    ردحذف
  11. شكرا جزيلا لأميرة و أيمن على الدعم دة و مبسوطة أويييي أنها عجبتكم..رغم أن أنادايما حاسة أنها ناقصها كتييييييير أوي عشان تعبر عن الحقيقة..بس شكرا بردو على رأيكم :)))))

    ردحذف